Isbre

Folgefonna - den sørlegaste isbreen i Norge

Området på og rundt Folgefonna, den tredje største isbreen på fastlandet i Norge, blei nasjonalpark i 2005. Folgefonnhalvøya har både isbre, villmark, geologisk mangfald, eit rikt plante- og dyreliv, kulturskattar og eit vakkert landskap. Området byr på eit stort tal opplevingar og overnattingsmoglegheiter. Sjå også www.folgefonna.info.

Storslåtte naturopplevingar ventar på deg

Åkrafjordtunet ved Åkrafjorden, Agatunet i Jondal og Rosendal er flotte innfallsportar for turar i Folgefonna Nasjonalpark. Her finn du informasjon om nasjonalparken og kjekke aktivitetar i området.

For eksempel kan du gå "turistvegen" over Folgefonna isbre frå Sundal til Fonnabu og vere med på guida tur over isbreen, du kan besøkje sommarskisenteret og stå på slalåm på isbreen ved  Fonna Glacier Ski Resort i Jondal, gå gjennom Buerdalen eller Bondhusdalen, gå på den restaurerte Buførevegen som går frå Reisæter over fjellet like nord for Nordfonna og ned til Botsvatn over Øvre Krossdalen i Jondal. Ved Åkrafjorden kan du delta på turar langs fjorden eller sjå steinutstillinga ved Rullestad. I Rosendal anbefalar med eit besøk i Steinparken..

Folgefonnsenteret

Folgefonnsenteret i Rosendal opna våren 2017. Her kan du lære om isbreen og naturen i området – heilt frå botn av Hardangerfjorden til nasjonalparken. Du får også lære om klimaet og korleis det påverkar liva våre.