Kome hit

Sunnhordland ligg mellom Bergen og Haugesund på vestkysten, E39 går rett gjennom regionen.

Du kan reise til Sunnhordland på fleire måtar. Frå utlandet kan du kome med ferje (Fjord Line) til Bergen eller Stavanger. Du kan også kome til regionen via fly, anten til flyplassar utanfor regionen, men du kan også fly direkte inn til flyplassen på Stord i Sunnhordland.

Kjem du med fly til Oslo Lufthavn, er dette ca 530 km til Sunnhordland, eller ca 7 - 8 t med bil.

Fly

Stord lufthamn

I Sunnhordland ligg den regionale flyplassen på øya Stord. Det flyr både rutefly og charterfly til og frå Stord lufthamn. Den daglege hovudruta i dag er Stord - Oslo, flydd av DAT

Bergen lufthamn

Bergen lufthamn ligg på Flesland, ca 82 km frå Stord. Det går hurtigbåtar og bussar mellom Leirvik, Stord og Bergen lufthamn. Frå Bergen lufthamn kan du nå 40 internasjonale destinasjonar direkte, og 16 innanlands destinasjonar. Bergen lufthamn si nettside finn du her.

Haugesund lufthamn

Haugesund lufthamn ligg på Karmøy, ca 75 km frå Stord. Lufthamna har 6 direkte internasjonale ruter og 2 innanlands ruter. Her er Haugesund lufthamn si nettside.

Stavanger lufthamn

Stavanger lufthamn ligg på Sola, ca 140 km frå Stord. Stavanger lufthamn har 35 direkte internasjonale ruter samt 7 innanlandsruter. Stavanger lufthamn sine nettsider finn du her.

Tog

NSB
Du kan reise med tog Oslo til Bergen. Den naturskjønne ruta tar mellom6,5 – 7,5 timar.

Båt

Fjord Line
Du kan reise frå Hirtshals med Fjord Line som har skip som går ofte til Stavanger og Bergen. Sunnhordland ligg mellom Bergen og Stavanger. Bilturen inkl ferje tek ca 2 timar mellom Bergen og Stord og ca 2,5 timar mellom Stavanger og Stord.

Color Line
Du kan reise frå Kiel med cruiseskipet til Color Line som har daglege avgangar. Frå Oslo til Sunnhordland er det ei bilreise på ca 530 km, du kjører då E134 over Haukeli fjell.