Bømlo kulturhus

Om

Med kultursal, kinosal, kulturskule og kafé vil kulturhuset vera ein inspirerande møtestad for alle bømlingar og tilreisande.

I hovudetasjen i kulturhuset finn du administrasjonen for kulturhuset og kulturskulen, Storsalen med 352 sitjeplassar i amfi og Litlesalen med 100 sitjeplassar i amfi. Dette er knytt saman av ein foajé på nær 300 rutemeter som vert nytta til servering, utstillingar, konsertar, møter osb.

I underetasjen finn du kulturskulen sine øvingsrom, dansesal, blackbox, Kulturskulesalen på 120 rutemeter, fritidsklubben med kjøken, møterom, artistgarderobar, teaterverkstad, toalett og 200 rutemeter disponibelt areal for publikum.

Bømlo kulturhus er mykje brukt av organisasjonar, næringslivet og det offentlege til møter, presentasjonar, kurs og konferansar.

Huset inneheld heis, og er elles tilpassa rullestolbrukarar på alle plan.

Bømlo kulturhus er ope kvardagar kl 10:00 - 15:00, samt når det er kino eller kulturarrangement - frå ein time før fyrste framsyning.