Sykkelruter, Syklist Velkommen-bedrifter og ferdig pakka sykkelturar.
Frå sykkelsetet vert turopplevingane sterkare og nærare - Brusande fossar, flokkar av sauer langs vegkanten, dufta av ramsalt hav. Undervegs kan du nyte kortreist, heimelaga mat og godt drikke. For på sykkelen brukar du mykje energi! Tenk å koma tilbake frå ferien, sprekare enn då du reiste – det er ei utruleg god kjensle!
Sunnhordland er regionen for kontrastar og variasjonar. Skjergard den eine dagen – fjord og fjell den andre. I Sunnhordland er det utvikla fleire sykkelruter. Sykkelrutene er lagt opp med passande dagsetapper, fine avbrekk med hurtigbåt eller ferge og mange opplevingar undervegs. Leirvik er eit fint utgangspunkt for å starta sykkelturen, anten du ynskjer å oppleva skjergard, fjell eller fjord.
Forslag til lokale sykkelturar finn du under aktivitetar. Rundturar i fleire av kommunane kan lastast ned til GPS, på www.visitsunnhordland.no . Ein kan og skrive ut detaljerte kart og turskildringar. Med ynskje om ein fin sykkeltur. Her er to av våre sykkelruter: Fjord og Fjellturen - Skjergardsturen
Nordsjøsykkelruta (North Sea Cycle Route) er verdas lengste sykkelrute med 6000 km rundt heile Nordsjøen. Gjennom Sunnhordland går ruta i kystlandskap gjennom kommunane Fitjar, Stord, Bømlo og Sveio. Med utgangspunkt i Nordsjøsykkelruta kan du lett koma deg ut i skjergarden eller inn i fjordriket i Sunnhordland, (www.northsea-cycle.com ). Undervegs på sykkelturen er det mange opplevingstilbod og eit godt servicetilbod. Fleire hotell og gjestgiveri har tilrettelagde fasilitetar, spesielt for sykkelturistar. I sesongen er det lurt å tinga plass på førehand.
Ferdig pakka sykkelturar kan du bestille gjennom Norske Bygdeopplevelser.
Følgjande bedrifter er medlem i Syklist Velkommen:
Almås Hotell, Stord
Baroniet Rosendal Avlsgård & Fruehus, Rosendal
Bekkjarvik Gjestgiveri, Austevoll
Bømlo Hotell, Rubbestadneset
Fitjar Fjordhotell, Fitjar
Fitjar Sjø og Camping, Fitjar
Grand Hotel, Stord
Rosendal Turisthotell, Rosendal
Skånevik Fjordhotell, Skånevik
Stord Hotell, Stord
På våre nasjonale sykkelsider Cycling Norway finn du også mange av turane våre presentert.