Stad
Rosendal.
Turkart
Folgefonna nasjonalpark.
Rosendal Turgruppe sitt rutekart.
Start- og sluttpunkt
Fossberg, ved inngangen til Hattebergsdalen.
Parkering
Kjør forbi Baroniet til P-plass på Fossberg ved inngangen til Hattebergsdalen.
Merking
Informasjonstavle ved P-plassen.
Først på 2 km grusveg utan merking, deretter T-merka og skilta sti opp Murabotnen.
Gradering
Raud. Middels krevjande, tre støvlar etter DNT-systemet.
Høgdeskilnad
150 – 1038 moh.
Tidsbruk
5 timar t/r.
Gode råd
Ved stor vassføring kan bekken i Murabotnen vera vanskeleg å passera. Noko bratt ovanfor bekken. Alternativ retur kan vera stien om Malmangernuten og direkte ned til Rosendal,
sjå rutene Malmangernuten frå Hattebergsdalen og Malmangernuten frå Rosendal.
Turomtale
Frå P-plassen på Fossberg 2 km langs grusvegen til dalbotnen. Stien går opp Murabotnen og til venstre i stidele med Malmangernuten.
Etter dei gamle murane på Kuhammarstølen kjem ein etter kvart til skilt som viser til utsiktspunkt mot Bjørndalsområdet og kjeldene for Hattebergvassdraget. Dette er sentrale område i Folgefonna Nasjonalpark.
Flott utsyn frå varden på Skeisfjell, der Ulvanosa, Blådalshorga og Bjørndalstindane framhevar seg i ein mektig fjellheim.